Green Corridor/ Wayaca Falls – Dialuna anochi den careda di 10’or a sosode un accidente un otro accidente entre un brommer y un autobus.
Esaki a sosode net ariba e caminda pazuid di e post di ambulance situa na Wayaca Falls.
Mesora Ambulance a sali direccion e accidente.
Ariba e brommer lo tawata tin dos persona.
Na yegada di polis e la topa cu un autobus color blanco pazuid di caminda direccion pariba.
Poco mas dilanti un brommer benta y algun parti di brommer a keda gespart ariba caminda.
Por a mira un lastro di brake di e autobus, e impacto tawata na e banda robes dilanti di e autobus.
Un di e personanan por a mira a haya basta rasca na lomba pero tawata cana rond, mientras Paramediconan cu a yega e sitio a trata e dama.
E rotonde di Airport a wordo cera pa asina facilita trabou y alabes e siguridad di tanto Paramediconan y Polis.
Agente di trafico a tuma tur dato di e chauffeur di e autobus y tawata haci’e diferente pregunta.
Na final Paramediconan no a haya tawata necesario pa bay cu ningun persona pa Hospital, debi cu danki Dios nan no a ricibi heridanan grave.
