Santa Cruz – Diadomingo atardi algo prome cu 4’or polis di Santa Cruz y tambe di Trafico a bay e bocht di Piedra Plat cu ta bay pa Santa Cruz, unda un accidente a sosode entre un Quadracer y un auto di famia.
Na yegada di polis nan a topa cu un Quadracer cu ta parti di un Island Tour memey caminda para y cu daño material parti dilanti.
Un poco mas panort direccion pa Piedra Plat un auto Ford tambe cu daño material dilanti banda robes.
Loke a sosode ta cu e Tour Guide a hisa su man cu na e siguiente crusada esun cu ta bay pa Fa Yang nan lo mester bira.
E dama turista manehando e Quadracer a gewoon bira den e bocht y bay dal contra e Ford, siendo cu e tawata leu di e crusada.
Polis di trafico a tuma tur dato di ambos partido, e Quadracer e compania lo mester a presenta cu tur e papelnan.
