Home Police Durante control pa molester di auto, polis a haya dos arma di...

Durante control pa molester di auto, polis a haya dos arma di candela den posesion di 2 hoben

SHARE

Sero Patrishi – Diadomingo atardi polis a haya informacion di un Toyota Tercel haciendo maniobranan iresponsabel ariba caminda na Sero Patrishi.
Un unidad cerca mesora a bay tira bista pa mira si ta topa cu e auto aki.

Den algun minuut buscando den e cayanan di Sero Patrishi patruya di Playa a topa cu dicho vehiculo, sin plachi number.

Esaki tawata net dilanti Sero Patrishi 267.

Durante cu e agentenan a pidi pa takelwagen y bay over pa controla e dos hobennan a bin haya dos arma di candela den nan poder.

Esaki a pone cu mesora a detene ambos hoben y confisca un rugtas y zijtas posiblemente conteniendo e armanan y mas cosnan ilicito.

Dos transportwagen a presenta unda cu a transportanan separa pa warda di Playa, unda cu recherche a wordo notifica di e caso y lo mester continua cu e investigacion.

Pregunta ta, unda y con e hobennan aki ta yega na e armanan peligroso aki.