Nombramento di un director general pa N.V. Elmar.

Ya pa basta tempo caba a saca un advertentie pa un open solicitatie den corant cu
ta busca un director general pa N.V. Elmar.
Nos a puntra pa un persona cu ta conocí cu e cultura arubano i mester tin un
educación administrativo i conocemento di techniek.
Na Elmar tin hopi ingeniero cu ta domina e parti di techniek. Últimamente nos a
re-enforsa Elmar cu un financial controller pa asina tin e parti financiero mas
fuerte. Tambe a nombra un Human Resource adviser pa handle e parti laboral na
Elmar.
Awor tabata falta ainda e director general cu por manage tur e tres
departamentonan aki pa asina hasi Elmar un compañía mas fuerte.
Después di e fecha cu a clausura e entregamento di carta a cuminsa un proceso di
evaluación. A hasi un psychologische test pa e candidatonan mas mihor qualifica
i a bin cu un advies di parti di e psicólogo.
A entrevista tres candidato door di miembronan di e Hunta di Supervisión di
Utilities Aruba y Elmar y tambe director di Utilities Aruba como shareholder di
Elmar.
Depsues cu tabata tin un consensus kende pa nombra como e director nobo ainda
mester a bai na nos 10 lenders pa busca nan ”written consent”
Dia 27 di november 2019 Utilities Aruba hunto cu Elmar y WEB a será un “Loan
Agreement” cu 10 banco na unda a fia 503 miyon florin den promer tanda. Den e
Loan Agreement tin un articulo 13.12 cu e lenders mester aproba nombracion di
un director di companianan y tambe miembronan di e Hunta di Supervision. Dia
2 november 2020 nos a ricibi nan “written consent”
Den e aplicación cerca e lenders mester a manda standard un PQ, Personal
Questionnaire, i un Comprobante di Buena Conducta di Ministerio Publico di
Aruba.
Na final den un reunión general di accionista di Elmar (AVA) a aproba e
proposición pa nombra sr. Anthony Irausquin como director general di N.V.
Elmar.
E ora ey, director di Utilities Aruba N.V., ta authorisa pa firma un acuerdo di
trabou cu sr. Anthony Irausquin.
Pagina 2
Sr. Irausquin lo cuminsa su trabao dia 1 di januari 2021.
E acuerdo aki ta ensera tambe cu e parti di salariering ta cumpli cu e normanan
nobo di e Wever-Croes norm.
Pabien na Elmar pa después di un temporada largo haya un director nobo cu lo sa
di hiba Elmar den un rumbo nobo.
Den e próximo añanan Elmar lo ta sigui hasi un transición pa mas digitalización.
Akinan lo sigui cu introducción di Smart Meters cual lo hasi posibel pa elmar por
hasi su red di distribución mas eficiente i duna mihor servicio. E introducción di
Autonan Eléctrico lo exigi un ampliación di nos Red i instalación di EV Chargers
Muy probablemente haya un tarief di anochi mas abou pa por carga batería di auto.
Mester bai duna mas atención na e estado di e instalationan manera kabel y
transformers pa hasi e distribución di corriente mas “reliable”
Recientemente a cuminsa monitor algún Key Performance Indexes manera
SAIDI, SAIFI, CAIDI i ASAI. Esakinan mester duna un overview di e reliability
di e distribución di corriente.
Clausurando, den nomber di accionista di N.V. Elmar, mi kier desea sr. Irausquin
hopi éxito cu su tarea nobo. Tambe gradici ing. Albertico Kooman pa funciona
como director interino pa un periode di casi dos aña.
Utilities Aruba N.V.
Ir. Richard G Eman
CEO a.i.