167
L.G. Smith Boulevard – Diabierna mey anochi faltando algun minuut pa drenta diasabra, varios unidad policial a bay e parkeer plaats na Turbo Rotonde unda tawata tin un pelea grandi.
Na yegada polisnan cu tawata cerca ya esnan cu lo a cuminsa y/of tawata envolvi a bandona e sitio.
Agentenan na e sitio a compronde for di un grupo basta grandi cu tawata na e sitio, cu dos persona a yega den un auto Getz aparentemente y start un pelea cu un persona cu tawata na e sitio e momento ey.
Den hopi caso e incidentenan aki ta dura algun minuut masha cortico mes. Na yegada di polis ya e duo cu a bin busca problema a bay.
E persona cu a bringa bek tambe a bay di sitio.
Polis a splicanan e procedura normal pa haci denuncia si nan ta desea esey.