Home Uncategorized Joe Biden lo bira e di 46 presidente di Estados Unidos

Joe Biden lo bira e di 46 presidente di Estados Unidos

SHARE

Merca – Despues di un periodo di campaña intensivo, e ex-vice presidente di Merca, Joe Biden, ta logra gana e eleccion. A tuma dias di conteo, pero awe e resultado definitivo a sali. Dia 3 di November tawata e dia cu e cuidadanonan Mericano por a vota pa nan escohecia di ken lo bira e sigiuente presidente. E decision tawata entre e presidente actual, Sr. Donald Trump (Rep), o su opositor, Sr. Joe Biden (Dem).

E eleccion sigur tawata uno cu a dividi e pueblo. E Republicanonan y Democratanan no tawata por a haya otro. Comunidadnan a mira hopi tension y debatenan intenso. Riba medionan social por a mira cu hasta cierto Arubianonan a mustra di tawata fanatico di Sr. Trump y tawata debati esaki cu esnan cu no tawata mucho di acuerdo cu e manera cu Sr. Trump tawata actua o maneha su pais.

Sr. Joe Biden lo bira e siguente Presidente di e pais, mientras Sra. Kamala Harris lo fungi como su vice-presidente. Sra. Harris lo bira e prome muher y e prome persona colo scur pa sirbi den e funcion aki.