BUENOS AIRES – Diego Maradona a wordo opera na su cerebro pa motibo di un bloedklot.
Maradona, kende diabierna pasa a celebra su 60 aña, a wordo interna dialuna anochi den hospital na La Plata cu sintomanan di anemia y deshidratacion. Esakinan a raiz di su kehonan fisico.
Despues di e operacion, Maradona a recupera bon den e clinica, segun su dokter Leopoldo Luque, kende a desmenti rumornan cu e situacion di su paciente tin di haber cu coronavirus.
„Te ainda testnan medico ta wordo haci. E mester bai haya tratamento pa un termino largo. Mi ta spera cu en todo caso e lo kier keda hospital te cu diaranson.” segun Luque.
„Tawata un siman emocional y complica pe, cu hopi presion. Su humor a sufri como consecuencia di esaki. E mester di ayudo, awor ta e ora pa yude. Diego ta un hende cu tin bes ta fenomenal, y tin bes no. E lo por ta 10.000 biaha miho di locual e ta. Ta hopi dificil pa ta Maradona. E hecho cu el a wordo treci aki, ta yude.”
Segun e dokter e superestreya anterior di entre otro Napoli, FC Barcelona y Boca Juniors ya pa algun tempo no ta sinti su mes bon. „Nos ta tene sigur tres dia mas pa observacion.”
