ROTTERDAM – E cantidad di paciente di Covid den hospital a aumenta pa 2003, 60 mas cu ayera, segun Landelijk Coördinatiecentrum Patiënten Spreiding (LCPS). E ultimo 24 ora RIVM a constata 9283 test positivo. Pa prome biaha esaki a surpasa 9000.
Den intensive care tin 463 paciente di Covid-19, un dia prome esaki tawata 450. E cantidad di pashent di Covid-19 ariba verpleegafdeling a aumenta cu 47 hende, pa un total di 1540.
Hospitalnan ta cada bes mas bou presion door di e aumento continuo di e cantidad di patient di Covid. Ya pa algun tempo caba nan mester a baha e escala di cuido regular. Vooral den Randstad hospitalnan ta hayando nan mes cu hopi paciente di Covid. Haaglanden Medisch Centrum (HMC) a laga sa siman pasa, cu 80 pa 90 porciento di e cuido no-intensivo, ta wordo suspendi.
Pa limita e daño mas hopi posibel, LCPS ta bezig diariamente partiendo e pacientenan den henter e regio. Den e ultimo 24 ora, 27 paciente a wordo transporta for di e verpleegafdeling pa un otro lugar, y tambe 6 paciente di intensive care.
Tambe ta posibel pa pidi ayudo di Alemania, manera a haci durante e prome ola. Noordrijn-Westfalen a pone 80 cama di intensive care na disposicion di pacientenan di Hulanda. Kuipers, presidente di LCPS, ta spera di por cumimsa cu e proceso aki diabierna.
E siguiente siman lo mester demostra si e medidanan mas estricto tawata tin efecto. Si esaki no ta e caso lo mester bai tuma medidanan mas severo pa preveni un piek manera esun di e prome ola.
Rotterdam-Rijnmond a registra un cantidad record di contagio nobo. E veiligheidsregio aki a registra 1295 test positivo. Pa prome biaha un regio a registra mas di 1200 caso den 24 ora. Diadomingo pasa Rotterdam-Rijnmond a registra 1190 test positivo. Amsterdam-Amstelland a registra 944, Haaglanden 903 y Utrecht 887. E veiligheidsregionan ey tampoco a yega di registra asina hopi caso positivo den 24 ora.
Amsterdam tawata tin e mayoria di casonan nobo. Den e capital, 805 ciudadano a test positief. Na Rotterdam esaki tawata 677 y na Den Haag 446.
Pa asumi, cu mayoria hende cu ta den intensive care pa via di Covid ta di edad 75+, no ta correcto. Contrario na e prome ola, mas hende jong y sportief ta wordo afecta pa e virus.
