(CNN) Ghislaine Maxwell, ex-pareha di Jeffery Epstein, cu ta wordo sospecha di tawata su complice, a perde su bataya den corte pa mantene su declaracion haci na aña 2016 inaccesibel pa publico.
Dialuna pasa, corte di apelacion di Estados Unidos a nenga e peticion di Maxwell pa cambia e decision di e corte di prome instancia, cu a ordena cu e declaracion mester wordo haci publico.
Maxwell, di 58 aña ta awordo acusa di a yuda recruta, ‘groom’ y abusa sexualmente di menornan di un minimo di 14 aña di edad, como parti di e organizacion criminal di Jeffrey Epstein. El a declara di ta inocente y ta keda sera, en espera di su caso. El a wordo acusa tambe di perhurio.
E declaracion cu Maxwell su team legal ta bringando pa mantene secreto, ta conecta na un caso entama na 2015 pa pa Virgunia Roberts Giuffre, kende a bisa cu Jeffrey Epstein a abusa di dje tempo cu e tawata menor di edad y cu Maxwell a contribui na e abuso aki. E caso civil a wordo regla na 2017.
Den e caso ey, Maxwell a nenga di sa cu Epstein tawata tin un sistema pa recruta mucha muhernan menor di edad pa sex.
Den su decision di juli 2020 huez Loretta Preska a bisa, cu e derecho di e publico pa tin acceso na e informacion aki, tin mas peso cu e “molester of berguensa” cu esaki ta nifica pa Maxwell.
Den e sentencia ey, Preska a bisa tambe, cu cierto informacion lo keda inaccesibel. Varios informacion medico inclui den e filenan di corte lo keda inaccesibel, como tambe e informacion di diferente muhernan anonimo cu a acusa Epstein di abuso, pero no a papia ainda publicamente tocante esaki.
Epstein, di 66 aña, tawata sera den un cel den un seccion special di was in a lone cell in the Metropolitan Correctional Center na New York na unda el a wordo haya morto na augustus 2019.
Epstein tawata en espera di e proceso legal, den cual e lo a wordo acusa di ta e operador principal di un red di traficacion sexual for di aña 2002 pa 2005 estableci na su mansionnan na Manhattan y Palm Beach. Como parti di e red aki, e tawata paga mucha muhernan menor, di te asta 14 aña di edad, pa sex. El a declara di ta inocente di tur e cargonan aki.
