Caya G.F.Betico Croes – Diaranson atardi algo prome cu 5’or polis y ambulance a bay e crusada altura di ex Codemsa, unda un accidente di trafico a tuma luga.
Na yegada polis a topa cu un Harley Davidson y un pick up cu lo a bay pa drenta e caya pabou di e edificio di ex Codemsa.
Aki ta unda e accidente a sosode, ora cu segun nos a compronde e Harley Davidson lo a bay pasa y ta haye cu e sorpresa unda e pick up net a bay lora pa drenta e caya.
E motociclista a resulta herida, e tawata papia y ta mustra di ta ok. Paramediconan a opta pa trasporte pa Hospitaal pa mas observacion.
Mientras na e sitio un amiga a keda pa zorg pa e brommer yega su destino.
Seguronan correspondiente tambe a presenta na e sitio.
Trafico a tranca pa un rato y polis mester a cera e rotonde di Cumana evitando e trafico pa bay Playa.
