Home Police Edificio di DPL a yena cu huma diaranson mainta

Edificio di DPL a yena cu huma diaranson mainta

SHARE

Engelandstraat – Diaranson mainta pa mas o menos 11:30 Brandweer a manda pa e edificio di DPL situa den Engelandstraat, unda cu lo tin basta huma den e luga. Na mes momento por a confirma cu tur hende ta pafo.

Na yegada di e prome Brandweer nan a confirma cu tur hende ta pafo. Mesora nan a drenta e edificio pa mira kiko ta ocasionando e huma.

Paden bomberonan a constata cu e fan belt di un Ice Maker lo a pega. 

Esaki a causa cu huma a cuminsa sali y asina e intake di e airco a chupa e huma/gas plame den DPL, segun Sr. Werleman di Brandweer.

Tambe e la bisa cu debi cu tur hende a wordo evacua lihe esaki lo no tin consecuencia pa nan salud, claro si bo keda hopi rato den un luga cera cu e gas/huma e ora si e lo por causa daño na bo salud.