Caya Betico Croes, Tarabana: Diaranson algo despues di 7’or di anochi, un Kia Picanto maneha pa un dama a dal un homber cu tabata canando riba caminda. Esaki a sosode un poco mas pabou di e rotonde di Dadelstraat. Mesora a pidi pa presencia di polis y ambulance.
Na yegada e dama chauffeur di e Kia Picanto a splica cu e homber a yega subi caminda di sopresea riba dje, mesora e la brake pero ya tabata laat, e la dal e homber. E homber a keda benta abou, pero tabata levemente herida.
E dama tras di stuur a baha di biaha pa mira e situacion di e homber. E dama a keda basta spanta y mesora a bati alarma. Polis y ambulance a yega hopi lihe na e sitio.
Personal di ambulance a trata e victima na e sitio y despues a dicidi di transport’e pa hospital pa asina e haya un tratamento medico mas avansa.
Polis di trafico tambe a presenta na e sitio, pa haci e investigacionnan necesario y tambe pa tuma dato.
