Home » Dama seriamente maltrata door di su pareha riba Linnaerpark

Dama seriamente maltrata door di su pareha riba Linnaerpark

by Admin
0 comment 49 views

Camacuri: Diaranson pa mas o menos 6’or di atardi, polis a wordo informa di un problema di pareha riba Linnaer park, un poco mas pabou di Garage Cordia, mesora a manda un patruya na e sitio.

Na yegada nan a bin topa cu un dama, cu su cara tabata tin basta sla y tabata sangrando. Mesora polis a pidi pa presencia di ambulance pa un checkeo medico.

Na e sitio nan a bin compronde cu e pareha un rato prome tabata bringando den auto caba y e dama lo a baha for di auto y tabata canando riba Linnaerpark bayendo direccion pabou.
E homber riba Linnaerpark dilanti algun persona, e la agredi e dama seriamente y despues a bandona e sitio den un Nissan Versa Shinishi, den su rabia e la sali bay hera y a hera dal algun persona cu tabata canando riba Linnaerpark. E personanan aki mester a baha for di e walkway pa evita di wordo alcansa pa e Nissan Versa.

Esnan na e sitio a duna polis e number di auto y asina polis a logra haya e agressor hopi lihe. Un patruya di polis a bay na e cas na Wayaca caminda e homber ta biba. Mesora e la keda deteni y cu transportwagen di polis e la wordo transporta pa warda di polis na Oranjestad.

Despues di un rato un ambulance a presenta na Linnaerpark pa trata e dama herida.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio