Green Corridor – Diadomingo anochi pa mas o menos 8:15 informacion a drenta cu tin un persona benta na banda di caminda ariba Green Corridor, tegenover di Wayaca Falls.
Mesora patruya di Santa Cruz a dirigi nan mes pa e caminda principal.
Na prome instante esnan pasando eybana a pensa cu e persono cu ta un hende homber auto lo por a dal e, pero na yegada di e agentenan nan a constata algo otro.
E cabayero di edad a resulta di tawata bou influencia.
Por a mira cu e cabayero a herida su cabes, ora cu e la cay.
E parti peligroso tawata cu e la cay banda pafo di e pionnan.
Polis a yega na ora, evitando un desgracia fatal pa e persona aki.
Polis a pidi pa ambulance pa trata e herida di e homber. Segun e tawata bisa cu e no ta biba mucho leu.
Na final ora ambulance a yega por kira sea famia o conoci di dje a yega pa pone nan mes na altura di loke a sosode, cu por a termina fatal mirando cu e la cay ariba caminda grandi.
