Home Local Shawndre Geerman y Regina Janga di Aruba a wordo escogi pa sali...

Shawndre Geerman y Regina Janga di Aruba a wordo escogi pa sali den e video di NDSS (National Down Syndrome Society) 2020 Time Square Video

SHARE

Enconeccion cu NDSS (National Down Syndrome Society) 2020 Time Square Video cu ta tuma lugar anualmente na New York, Shawndrè Geeman y Regina Janga ambos di Aruba a wordo scogi entre miles di personanan cu Down Syndrome, pa a sali den e video di awe diadomingo 20 di September 2020. Shawndrè hunto cu Regina y 500 persona mas cu tin Down Syndrome a luci riba e pantaya gigantesco di Time Square na New York.

Tur ańa NDSS ta recorda e importancia y carińo special cu personanan cu Down Syndrome ta influencia nos comunidad. Den un presentacion riba un pantaya gigante ariba Time Square na New York, 500 persona cu ta consisti di mucha te un adulto cu ta Down Syndrome ta wordo presenta. E video mas bien ta un forma di recordatorio di contribucionnan, logronan y e balor di personanan cu Down Syndrome tin den nos comunidad.

E meta di National Down Syndrome Society tà pa crea concientisacion, acceptacion y inclushon pa loke ta trata personanan cu Down Syndrome. Ańa pasa hopi famia cu ta bin for di tur skina na mundo a topa na New York y a participa den diferente evento cu a wordo organisa pa NDSS. E ańa aki pa motibo di e Covid 19 e encuentro lo ta differente. Ta nifica cu despues di mustra e video riba Time Square tur participante por asisti na diferente evento virtual cu e organisashon ta presenta. Lo tin entre otro un ceremonia di apertura “virtual di NYC Buddy Walk, un fiesta di baile y entrega di premio. Tur esaki lo wordo transmiti virtualmente den mas cu 150 cuidad na Merca y tambe den diferente parti na mundo caminda mas di 325 mil persona lo ta conecta via di internet.

Maske e crisis di Covid 19 tin consecuencia menos agradabel, National Down Syndrome Society toch a logra di organisa un evento special caminda Shawndré Geerman y Regina Janga di Aruba y tur otro persona cu Down Syndrome por participa.