164
L.G.SMITH BOULEVARD – Diasabra mey anochi birando diadomingo alarma a wordo bati altura di Fisherman’s Hut, pa un pareha cu a bira victima di atraco arma.
E atraco a sosode durante cu un pareha pa distrae tawata piscando.
Segun nan informacion na polis, un Hyundai Getz color preto tawata circula eybanda.
Dado momento e auto a bin na direccion door di baha caminda.
For di e auto a baha dos homber, uno cu cara tapa y e otro cu un arma di candela den man.
Ey nan a exiginan placa, unda cu nan a logra bay cu 200 florin, un iphone y tambe yabi di e vehiculo cu ta un Jeep Wrangler.
Despues e Hyundai Getz a bay cu velocidad halto direccion zuid.
Ambos atracador a papia spaño.
Atraco team y Slachtofferhulp a wordo poni na altura pa haci nan investigacion y asina trata na resolve e crimen aki.