Home » Via blafon, bou di camera di siguridad, grupo di detenido a huy for di Guarda nos Costa

Via blafon, bou di camera di siguridad, grupo di detenido a huy for di Guarda nos Costa

by Admin
0 comment 116 views
Sabana Berde – Diasabra anochi den careda di 10’or den area di Camacuri y Sabana Berde automobilistanan mester a baha caminda pa autonan di polis bou zwaailicht y sirena.

Tur mirada tawata e momento ey ariba e base di Guarda nos Costa.

Un grupo di detenido a huy for di e base di Guarda nos Costa sin cu e personal tawata na altura. Personal di Brandweer lo ta esnan cu a mira boshi hende coriendo rond ariba pista.

Algun a bay nort otro a bay zuid, otro a bay ariba otro a bay abou. Haciendo dificil pa hayanan den e scuridad di anochi.

Poco pariba di Calloway  Strand Politie a logra haya dos y mesora a detenenan.

E personanan aki a huy via plafon, net unda e Camera di Seguridad no ta miranan. Pues ta door di esaki e personal no tawata sa cu e grupo a huy.

Personal di Guarda nos Costa lo a duna nan “confiansa”, y segun nan nan lo a abusa di esaki.

E Van di GNC a yega y a piki e dosnan aki hibando nan bek pa e base. Mientrastanto polisnan y tambe Helicopter a sigui cu e buskeda pa asina localisa e resto di e grupo.

Facil e no ta bay ta, debi na e scuridad.

Casi tur siman manera nos a bisa caba e base aki ta bin ta haye confronta cu un of otro problema cu detenidonan.

Frontera di Venezuela ta cera, pues Venezolanonan pega ariba nos isla no por bay bek tampoco, ni con hopi si nan ta desea.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio