Merca su Centers for Disease Control (CDC), e instancia encarga cu salubridad publico a añadi 6 sintoma mas pa locual ta e infeccion respiratorio di COVID-19. Prome CDC solamente tawata nota keintura, tos y falta di rosea como sintoma.
Awor CDC a update e lista di sintoma pa inclui: calafriu, temblamento repetivo di friu, dolor muscular, dolor di cabes, dolor di garganta y tambe perdida di holor y smaak.
Masha poco COVID-19 ta inclui sintoma di nanishi ta core. Niester, te ainda tampoco no ta sintoma di e virus. Dr. William Jaquis presidente di ‘the American College of Emergency Physicians’ ta bisa cu keintura, tos seco y falta di rosea ta e sintomanan mas comun.
Expertonan medico ta bisa cu dolor di curpa y cansancio por ocuri cu coronavirus, pero por ta mastando sintoma di un griep. World Health Organization (WHO) ta bisa tambe cu tin pashent por desaroya dolornan di curpa, congestion di nanishi, dolor di garganta y tambe diarea.
Esakinan ta sintomanan cu ta normalmente leve y cu ta cuminsa gradualmente. 80% di hendenan ta recupera di e virus sin mester wordo interna den hospital. WHO ta adverti cu 1 den 5 persona cu haya COVID-19 por bira severamente enfermo y desaroya problema pa hala rosea.
WHO a continua na splica cu cualkier persona por wordo contagia cu COVID-19 y bira hopi malo. Hasta esnan cu sintoma leve por transmiti e virus y contagia otro persona.
