Mandolinstraat – Diasabra algo pasa 3’or varios unidad policial a staciona pazuid den Mandolinstraat y despues den un caravana a sali bay panort, unda nan lo a drenta un cas y efectua tres detencion
E detencionnan aki tin di haber cu e mes un caso dilanti Airport. Pues esaki tawata e adres cu e cabayero cu a wordo agredi a duna.
Mirando loke e cabayero a bisa polis y cu esnan na e adres di Mandolinstraat a saca machete pe tawata suficiente motibo pa haci e detencionnan.
Na e cas dos dama y un cabayero a wordo deteni mesora ora polis a baha.
Polis lo a haya un descripcion di e personanan via cellular di e homber cu a wordo maltrata. Tur tres persona a wordo hinca den Transportwagen y hiba pa warda di Santa Cruz.
Pues eynan si ta bon nan lo presenta dilanti Sub Fiscal y mira kiko lo bay pasa cu nan, o sea si nan lo wordo encarcela. Tambe nan lo mester sinta cu Recherche pa tende ambos banda di e problema aki.
Segun nos a compronde, e lo tin di haci cu ex pareha di e homber herida y segun nos por a compronde nan lo tin yiu hunto.
