Home Police Mama a grita pa polis dilanti airport, debi cu su yiu lo...

Mama a grita pa polis dilanti airport, debi cu su yiu lo a wordo maltrata pa un grupo di persona

SHARE
Queen Beatrix International Airport – Diasabra atardi polis a wordo pidi cu urgencia dilanti un airport completamente bashi, pa un dama histericamente tawata pidi asistencia di polis.

E motibo tawata cu señora su yiu lo a wordo maltrata y lo ta herida na su cabes.

Na yegada di polis berdad nan topa cu e auto y e señora y su yiu homber.

Polisnan a constata cu e yiu homber enberdad tin un herida na e parti robes di su frenta y esaki tawata sangra. A puntra e yiu homber si e ta desea asistencia medico o sea di ambulance pero e no tawata kier esey.

A wordo splica na polis cu e incidente lo a tuma luga den Mandolinstraat, lo tawata trata aparentemente un cuestion di ex pareha y segun nos a compronde nan lo tin un yiu.

Aki ta unda e problema lo a sinta. E cabayero herida lo a yega e cas y aki ta unda algo a bay for di man. Segun nan a bisa polis, e famia lo a saca machete pe of a bin cu machete pa maltrate.

Pues esaki ta version di parti di e cabayero cu lo a wordo maltrata.

Den cellular di e cabayero ela mustra polisnan potret di esnan envolvi den e maltrato y tambe e adres cu ta den Mandolinstraat.  Polis a sali den caravana pa eynan.