Bubali – Diahuebs anochi polis a wordo informa cu lo tin un auto pa ta mas specifo un pick up S-10 coriendo basta malo. Tawata den careda di 8:45 cu un persona a spot e pick up aki na e rotonde chikito Bubali.
E auto aki bayendo direccion pariba tawata coriendo malo, esta zig zag. Pa evita un accidente a manda un patruya den e area, mientras tin un persona tras di pick up S-10.
Dado momento e auto aki a yega e crusada cu ta bay pa veld di Bubali, y den e bocht mas pazuid un patruya a logra stop e. Mientrastanto mas patruya a yega y nan a cuminsa atende cu e chauffeur.
Polis mesora a nota cu e chauffeur ta bou influencia. Na banda tawata tin un dama, y patras den e baki di e pick up masha hopi comestibel.
Segun version di e pareha, nan lo tawata haciendo compras y lo tawata wak cua luga mas ta habri.
Polis a hala nan atencion cu 8’or di anochi tur luga ta cera y mirando cu den algun rato e TDQ ta cuminsa, y cu nan lo mester ta na nan cas.
A opta pa pidi Transportwagen di Shaba y asina hiba tanto e chauffeur y e dama y nan comestibelnan cas.
