Home Police Polis a interveni den problema di famia, sobrino no kier sali for...

Polis a interveni den problema di famia, sobrino no kier sali for di e cas di su tanta

SHARE
San Miguel – Diahuebs den oranan di atardi polis a ser pidi na un adres cu ta keda na San Miguel.
Eynan lo tawata tin un problema di huur, pero na momento cu polis a yega, nan a bin compronde cu ta un problema entre tanta y sobrino.

Un señora cu ta doño di un cas pa cierto motibonan no ta desea pa su sobrino sigui biba den su cas.

E sobrino no kier sali for di e cas, paso anteriormente e kier a cumpra e cas, pero esaki no a bay door.

E famia no kier niun cent di e homber aki mas, e unico cos cu e doño ta desea, ta pa e sobrino busca un otro lugar di biba. Esaki no a cay na agrado di e sobrino y pa a motibo aki a surgi un problema di famia.

Polis a interveni y a mustra ambos partido e camindanan legal pa cana. Segun nos a compronde e caso aki ta den man di autoridad caba.