Miami, Merca – Presidente Donald Trump a anuncia diaranson cu e lo ta mandando barconan militar den direccion di Venezuela. Gobierno di Trump ta purbando di aumenta medidanan den e lucha contra narcotraficacion. Merca a acusa Presidente Nicolás Maduro di ta involvi den traficacion di narcoticos.
Secretaria di Defensa Mericano, Mark Esper, a laga sa cu “e pueblo Venezolano ta sufriendo hopi pa via di Maduro y su control criminal riba e pais”. Segun Esper, narcotraficantenan tin control di e pais.
E decision aki pa desplega flota militar pa e region Caribense ta un di Merca su operacionan militar mas grandi den e region desde 1989. E delaster operacion militar di e tamaño aki tawata tempo cu Merca a invadi Panama pa baha dictador Manuel Noriega for di poder y asina trece Merca pa e enfrenta cargonan criminal di narcotraficacion.
Merca tin lunas ta preparando pa e mision aki. Maduro ta wordo acusa di a lidera un conspiracion narcoterorista pa asina transporta 250 tonelada di cocaina pa aña pa Merca. Mitar di e cargo aki ta wordo transporta riba lama. Tin un recompensa di 15 miyon dollar pa e captura di Presidente Maduro.
