Home Police Un persona herida durante detencion, esaki ta relaciona cu e Avondklok

Un persona herida durante detencion, esaki ta relaciona cu e Avondklok

SHARE
Piedra Plat  –  Diaranson anochi durante e prome detencion cu tawata algun minuut pasa di 9’or, algo a bay poco robes.

Informacionnan ricibi ta indica cu un persona lo a wordo para relaciona cu e Avondklok o sea Toque de Queda, durante cu polis a bay pa detene elo a core.

Momento cu nan a logra di pare a start un “pelea” o sea e homber a resisti. Durante cu esaki tawata tumando luga, e homber a resulta herida y lo a cuminsa sangra.

Den esaki elo a logra core bay y a yega un adres na Piedra Plat, unda cu elo tawata sangra y bisando  cu e ta herida y tin dolor. Mirando cu polis tawata sa e direccion cu ela core  a bay e area y a bin topa cune y mesora a bay over na detene.

Debi cu e homber tawata herida y no por a hala rosea a dicidi pa pidi un ambulance. Na e sitio polis a detene un dama tambe cu no tin di haber cu e homber herida.

Pues aki ta trata di dos caso separa, unda cu nan a wordo transporta pa warda di San Nicolas.