242
Montaña: Diadomingo durante e prome ora di Toque de queda #9, pa ser exacto algo pasa di 9’or y 15 di anochi. Patruya di Noord ta topa cu un Volkswagen Golf Preto, na altura di Huan Zhan Supermarket, mirando e ora polis mesora a dun’e señal pa e para, pero e chauffeur di e Volkswagen Golf no a respeta esaki y a sigui core.
Mesora a cuminsa un persecusion cu a caba hopi liher den e bario di Noord, no mucho leu di unda e persecusion a inicia.
Polis despues di e para e auto a bay atende cu e homber, kende a bira agresivo cu polis. Polis a logra domine’e, nan a hink’e den boei ya mande riba vloer. E polisnan na e sitio a pidi pa transportwagen pa transport’e pa Warda di Polis na Shaba.