Paradera: Diabierna den oranan di mainta e scol basico na Paradera, Colegio Pastor Kranwinkel a celebra e ana aki engrandi , Nos Dia Nacional di Himno y Bandera.
Den oranan di mainta e scol tabata tin e honor di a ricibi bishita di Prome Minister di Aruba, Sra. Evelyn Wever Croes. Prome Minister a hiba palabra y e alumnonan a scucha cu hopi atencion.
Despues cu e Minister a sigui cu su bishita pa un otro scol, e alumnonan y maestronan di Colegio Pastoor Kranwinkel a sali cu un parada cultural hopi bunita, pasando den e bario di Paradera. E parada cultural a sali for di scol, tur alumno y e educadornan tabata bisti den un tema cu tin di haber cu nos cultura.
E parada a sali for di scol, ela a bay direccion pariba y a bira rond di scol pasa banda di Club Caiquetio bin abou dje a bira bay direccion panort, bay bek scol.
Polis a cera caminda y e muchanan por a baila y disfruta di nan parada cultural, un bunita idea di e scol pa asina trata na encurasha nos muchanan pa siña mas y aprecia nos cultura y nos historia.
