Dama herida despues di tawata envolvi den accidente di trafico

Hooiberg – Diasabra anochi den careda di 10’or informacion a drenta di un accidente cu hende herida altura di Hooiberg Store.

Dos ambulance y patruyanan di polis tawata bayendo e sitio.

Na yegada di polis nan a topa cu un pick up y un Chevrolet Celta. E pick up a dal e Chevrolet Celta patras mande contra baranca.

Den e Celta tawata tin un dama cu a resulta herida.

Polisnan mester a midi un marca di brake basta largo di e pick up.

Agente di trafico a laga e chauffeur di pick up supla y algun rato despues a detene pa core auto bou influencia.

E dama a cana subi ambulance y despues Paramediconan a opta hibe Hospital pa mas ovservacion.