Awe ta e dia di e Parada Grandi di Oranjestad, arubanative.com ta desesa tur participante y tur esnan cu ta bay mira Carnaval un dushi y safe Carnaval.
Arubanative.com kier a djis recorda e pueblo Carnavalesco riba algun punto hopi importante pa tene cuenta cune awe:
* Corda Polis ta controlando tur caminda, nan ta haciendo esaki pa protega nos pueblo y su bishitantenan. No lubida e boetnan ta placa benta afo, cu por wordo evita, si bo comportabo.
* Si bo ta bay bebe alcohol, no stuur, percura pa bo tin un chauffeur responsabel cu no ta bebe pa hiba bo cas. Polis ta controla durante y despues di Parada na diferente sitio, nan ta detene tur hende cu nan haya bou influencia tras di stuur, esey ta pa siguridad di nos tur paso nos tur kier pa nos y nos famianan yega cas bek safe.
* Bebe suficiente awa, no bebe di mas alcohol usa sunblock, no come di mas, busca poco sombra, no keda henter ora den e solo fuerte, pa asina evita di bira malo.
* Evita confrontacion, no bay reclama niun hende nada of haci problema etc. paso bringamento riba caya, polis no ta tolera esaki, mesora lo bo keda deteni y sigur pa algun ora lo bo keda cera y mas importante no lubida riba e boet cu bo lo haya, cu no ta necesario.
* Percura pa bo famia, amigonan etc cu ta hunto cu bo, no laganan bebe di mas alcohol of laga nan cana bou influencia nan so rond, paso si polis hayanan, nan ta wordo deteni of si hende cu maldad den cabes por haci nan un daño of nan mes por haci nan mes un daño.
* Si bo tin problema cu un gang of cu un hende, miho keda cas y No bay cana armá paso polis por yega ristabo, mesora bo lo keda deteni.
* Si polis hayabo cu droga, un tiki of hopi tambe bo ta keda deteni
* Si bo ta bay parada cu mucha percura bon pa nan pa nan no berde, huntanan cu Sunblock, percura pa nan bebe suficiente y hopi importante nan earplugs pa no daña nan oido.
* Por ultimo djes sigui ordo di polis sin cuestiona of keda discuti cu nan.
NO LUBIDA, tur caminda tin fotografonan di prensa, si bo no kier bira noticia y sali den medionan di comunicacion local, hopi facil djis cumpli cu e puntonan aki riba. Percura pa bo no haya bo mes den problema cu polis.
GOSA HOPI DI E ULTIMO PARADA DI ARUBA SU CARNAVAL 66.
,