Meiveld – Dialuna merdia pa mas o menos 1:30 polis a bay e crusada di Meiveld cu ta bay pa Rooi Afo, unda a sosode un accidente di trafico cu hende herida.
Na yegada di polis nan ta topa dos auto un Nissan stationwagon RHD y un auto Honda.
Den e Nissan tawata tin 6 criatura cu nan tasnan di skol, posiblemente nan lo a caba di skol. Danki Dios ningun di e criaturanan a resulta herida, pero por a mira un susto ariba nan car.
Loke a sosode tawata cu e Nissan lo no a duna e Honda maneha pa un dama biniendo di pariba preferencia. Pues aki ta unda e Nissan RHD a dal e Honda banda drechi padilanti, poniendo esaki spin pa despues keda cara cu cara.
Azeta di motor di e Honda a basha y esaki sigur lo mester wordo tapa cu tera pa asina evita otro accidente.
Na yegada di Ambulance Paramediconan meora a bay atende cu e dama pasahero den e Nissan RHD, debi cu tawata keha di basta dolor na brasa y resto di curpa.
