Weststraat, Oranjestad: Diahuebs algo pasa di 6’or di atardi, presencia di polis a wordo pidi cu urgencia na Win Lee Supermarket, den Weststraat, pa un pelea entre chinesnan y un adicto ambulante.
Na yegada polis ta bin compronde cu e adicto ambulante aki a trece algun botter di cerbes cambia, pero pa un of otro motibo e chines no kier a cambia e botternan di cerbes pa e adicto.
Esaki no a cay den bon tera cerca e adicto y den su rabia ela dal hopi duro cu su man contra e glas di porta y a kibra esaki. E chinesnan mesora a bay riba e adicto y a cuminsa agredi’e cu palo y mokete . E adicto a corta su man na momento cu ela dal e glas di porta kibra.
E agentenan policial na e sitio a scucha ambos partido y a dicidi di detene e adicto ambulante y un chines.
Ambos a wordo transporta pa warda di polis caminda lo haci mas investigacion.
