ORANJESTAD, Aruba: Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna. E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esunnan cu bishita Aruba Bank of haci uzo di un manera of otro di un servicio di banco. Gianny di Vecchia a ser selecciona durante luna di December pa su rapidez, eficiencia y profesionalismo den su area di trabou.
Gianny di Vecchia, Jr. Account Manager, semper ta duna un servicio superior na clientenan den su area di trabou. Aruba Bank ta reconoce e importancia pa refleha ariba calidad di trabounan cu ta ser duna na nos clientenan.
Gianni su rapidez, eficiencia y profesionalismo den su area di trabou a haci cu el a wordo nomina y reconoci como un empleado superior. Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”. Pabien Gianni!