San Nicolas – Diasabra mainta manera nos a bisa anteriormente lo tawata tin un caso di tiramento den Jansteenstraat San Nicolas.
Mesora varios patruya a bay e sitio.
Den careda di diasabra mainta 10:43 Cuerpo Policial a manda e siguiente informe:
“Pa mas o menos 09.25 melding a drenta via Central Di Polis cu tin un bringamento y tiramento den Jansteenstraat. E personanan aki según e melding lo tawata den un autobus shinishi.
Pa 09.38 a drenta un otro melding cu den Van Galenstraat 3 hende homber bringando formalmente. Patrouille a bay pero no a haya nada pero testigonan ta bisa cu ta dos homber den un autobus shinishi.
Pa 09.51 patrouille a para B120 cu ta cuadra cu e descripcion den Rembrandtstraat, caminda cu un hende homber a sali na careda. Polis a bay au tras y a logra den detene de Caya Sint Maarten cu un arma di candela “geladen” ariba dje.
En total te aworaki tin 4 sospechoso deteni y no ta descarta cu lo tin mas detencion”.
No a menciona si un persona a wordo herida manera tawata wordo papia na cuminsamento di e tiramento.