San Nicolas: Diasabra den oranan di atardi famia, amigo y conocirnan a despedi di Alvin Alfonso Howell, miho conoci com Fonso of Papi.
E entierro a para den e Methodist Church na Amalia van Solmstraat y despues e defunto a wordo transporta den kitrin pa su ultimo lugar di sosiego. Manera cu antes, prome cu tabata tin auto di cherche entierro nan tabata wordo haci.
Un entierro hopi apart y hopi hende a bay despedi di e defunto.
E stoet a sali for di e iglesia bay bou guia di polis pa Santana di Gobierno na Zeewijk. No ta solamente hopi hende a compaña e defunto den e stoet pa hibe na su ultimo luga di sosiego pero na Santana tambe tabata tin basta hende sperando yegada di e stoet.
E tabata un entierro cu bo no ta mira tur ora.
E defunto ta tata di Parlamentario Allan Howell.
Team di arubanative.com ta manda su palabra na di mas profundo condolencia na famia Howell.