Santa Cruz – Diasabra anochi laat den careda di mey anochi polis a bay poco panort di Cede di Mep unda cu un accidente a tuma luga.
Na yegada di polis nan ta topa cun Mitsubishi suv y un Hyundai Accent. Ambos auto cu basta daño material parti dilanti.
Na e sitio nos a compronde cu e Accent tawata bayendo direccion zuid momento cu ela cuminsa hala na man robes. Net na e momento eynan tawata acercando e Mitsubishi suv.
Chauffeur di e Mitsubishi mirando kiko ta bay pasa a cera brake, pero esaki tawata envano y ta dal semi frontal e Hyundai Accent.
Polis a usa e Alco-sensor ariba ambos chauffeur, unda cu chauffeur di e Hyundai Accent a surpasa e limite di alcohol stipula pa ley.
Polis a bay over na detene e chauffeur cu parse no a keda mucho contento cu su detencion.
Caminda a keda cera pa un rato, debi cu takelwagen mester a presenta pa move ambos auto cu no por a move ariba nan mes un forsa.