Chauffeur lo a kier a bandona sitio di accidente prome cu polis a yega

Tanki Flip – Diasabra mainta pa mas o menos 5:40 polis a bay altura di e Kazerne di Brandweer na Tanki Flip.

Eybanda un Chevrolet Aveo lo a dal un palo di luz kibra y despues lo tawata trata na bandona e sitio.

Aparentemente e chauffeur a bay asina leu di yama un takelwagen pa busca e auto y bay di e sitio, lagando destruccion atras na e palo di luz.

Algun persona cu lo a mira kiko a pasa a avisa polis.

Polis cu a yega e sitio a stop e takelwagen di move cu e auto, y mesora nan a bay over na controla e chauffeur.

A usa Alco-sensor pa midi alcohol y aki ta unda cu ela surpasa e limite stipula pa ley.

Ela wordo deteni na e sitio y nan a splike su derechonan pa despues transporte pa warda di polis.