Werfstraat/ L.G Smith Blvd – Diahuebs atardi dilanti Bushalte grandi caminda a wordo cera, pa un candela cu lo a cuminsa den dak of ariba dak di e negoshi I Love Aruba.
Na yegada di tanto Brandweer y Polis por a mira huma saliendo, indicando cu tin candela un caminda ariba di e luga.
Dos unidad di Brandweer mesora a drenta den accion y masha lihe tawatin e candela bou control.
E candela a cuminsa ariba e dak cu ta cay den Werfstraat.
Segun Sr.Ponson di Brandweer lo tawata trata di un kortsluiting parti ariba di e dak.
Ta e motibo aki a kita e coriente di e full e negoshi paso no sa na cua Breaker esaki lo ta bay.
Tur hende a mester a sali di e luga loke ta un procedura normal.
E candela a wordo domina y segun Ponson parti paden di e negoshi lo no a sufri daño.
Departamento di DTI a wordo poni na altura di e susedido y lo mester haci nan investigacion.