Bubali – Diamars atardi pa mas o menos 5:30 polis y ambulance a bay na e rotonde di Bubali cu ta conecta cu Caya Musica.
Eynan a sosode un accidente entre auto cu brommer.
Na yegada polisnan a cuminsa desvia trafico.
Na e sitio nan a topa cu un dama ariba caminda y cu sla na pia, y tambe e vehiculon cu a dale cu ta un Nissan Tiida.
Un Dokter cu tawata den cercania mesora a sa di duna prome asistencia wardando yegada di Ambulance.
Loke a sosode
Chauffeur di e Nissan Tiida lo a conta polis cu e no a mira e Brommer ariba e rotonde. E Nissan lo a subi e rotonde for di panort, direccion Caya Musica.
Ey ta unda e brommer lo a dal contra e brommer parti dilanti heridando su rudia.
Na yegada di Paramediconan ela wordo stabilisa y despues poni ariba Brancard unda lo a hibe Hospital pa tratamento medico.
