139
Oranjestad: Diamars den careda di 6’or di atardi ta drenta un melding di un caso di robo, esaki den a sosode den area di Havenstraat cu Weststraat, mesora a manda un patruya na e sitio.
Na yegada nan a topa cu un chauffeur di autobus, kende ta splica polis cu un rato prome a nota cu un pasahero a bay cu su placa.
E chauffeur a splica cu ela para e autobus den e parkeerplaats patras di e station di bus di Arubus, pa asina e pasaheronan por a baha, durante cu e pasaheronan tabata bahando un di e pasaheronan a pasa man pa e placa cu e chauffeur tabata tin pone banda di dje, memey di su sienta y esun di pasahero.
E sospechoso a core bay den direcion di Schelpstraat, e ta color scur, e tabata tin un jeans bisti y un t-shirt cora.
