Home Police Dos dia tras di otro, un misa ta haya bishita di ladron

Dos dia tras di otro, un misa ta haya bishita di ladron

SHARE

Jan de Oudestraat, San Nicolas: Diamars algo prome cu 6’or di atardi, un patruya di polis a wordo manda na un adres den Jan de Oudestraat ,pa un caso di ladronicia.

Na yegada nan a bin compronde cu ta trata di un iglesia, miembronan di e iglesia a bisa polis cu ayera caba ladronnan a bishita nan misa y a bay cu un television.

E agentenan policial na e sitio a papia cu un señora kende a declara cu e slot di su camber tabata kibra y cu ladronnan lo a drenta den su camber, pero te na e momento ey, cu e por a mira e no a haya falta di nada.

E patruya a sigui cana den e edificio y e porta di un otro camber  a wordo forsa. Tambe e porta na e parti pariba di e misa  a wordo forsa. Desconocidonan a coi un generator for di patras den e misa y a lastra esaki hibe te na e porta na banda, pero pa un of otro motibo no a bay cune.

Esnan presente no sa si e ladron of ladronnan a logra bay cu algo mas for di nan iglesia.

Polis a tuma e keho y lo pase pa recherche pa mas investigacion.