E di dos gobierno di Donald Trump ya a conmociona e clase politico riba ambos banda di Atlantico. Den exterior, e atencion a enfoca riba e aparente desmantelamento di parti di e administracion di e orden internacional di posguera y e aparente giro di Trump, cu ta aleha di e aliadonan tradicional di Merca pa inicia un relacion mas cayente cu Rusia y Vladimir Putin.
Pero den e pais mes, e preocupacionnan mas grandi ta asocia cu accionnan di gobierno cu, pa hopi, ta mustra un destruccion deliberado di e democracia mericano.
Na Merca, e temornan aki no ta unicamente di e elite politico, sino tambe pa ciudadanonan di henter e pais. Pero loke tambe ta surgiendo ta un atake coordina riba e capacidad di hende pa opone of hasta keha ariba algun di e medidanan cu Trump 2.0 ta introduciendo.
Silencia tur cu no ta di acuerdo cu ne
E efecto intimidante di e gobierno nobo aki tambe a extende na atake contra libertad di prensa. Trump a saca organisacionnan di noticia solido for di Pentagon, a restringi aceso di e prestigioso Associated Press na actonan di prensa y a tuma control over di e grupo di prensa di Cas Blanco, marginando e medionan di comunicacion principal.
E accionnan aki ta supone di ta un degradashon importante di libertad di prensa na merca. Nan ta destrosando e rol di periodismo independiente den su funcion clave di pidi cuenta na poder. Restringi aceso y silencia voznan critico, su gobierno a lanta preocupacion tocante transparensia y e circulacion liber di informashon den e panorama di media nacional.
Universidadnan tradicionalmente tabata baluertenan di pensamento independiente. Nos a mira esaki den e protestanan masivo contra e politica merikano pa Israel y e teritorionan Palestino cu a sacudi e campusnan durante e conflicto di Gaza.
Pero universidadnan tambe ta wordo mira pa hopi den gobierno como un “woke” activismo. Consecuentemente, Trump 2.0 a pone su wowo riba un di e universidadnan mas importante di e pais: Columbia.
Citando loke e ta bisa ta un fracaso repetido pa proteha e estudiante di persecusion antisemita, e administracion a cancela US 4.4 biyon di contract federal cu e universidad. Columbia a rindi(give up) na e presion momentonan prome cu e termino di gobierno a pasa. E la acepta di revisa su proceduranan disciplinario y “revisa” nan programanan di estudio regional, cuminsando cu esnan cu ta cubri Medio Oriente.
E personal academico di Columbia ta hororisa. E ta inicia accion legal contra gobierno alegando cu “gobierno di Trump ta intimidando Universidad di Columbia pa haci su boluntad y regula discurso y expresion den campus”.
DEMOCRACIA NA PELIGER
Dicon tur esaki ta asina preocupante? E sistema legal, medionan di comunicacion y universidadnan ta e pilarnan di libertadnan democratico merikano. E destruccion di e institucionnan aki pa parti di e gobierno di Trump ta un intento di sinberguensa di impone un gobierno autoritario silenciando cualkier contra peso na e poder ehecutivo.
Corte Supremo di Merca ta bisa cu e ta casi totalmente inmune pa ser procesa(persigui) mientras e ta haciendo e.
Democracia mericano ta bou menasa. No pa e menasanan exsistente di afo cu e la enfrenta durante e ultimo siglo, manera comunismo y fundamentalismo islamita, sino for di paden di su propio sistema. E mericano cu ta terorisa pa e menasa aki ta purba contra ataca, pero e asalto di Trump na desacuerdo ta asina alarmante cu esaki ta birando mas y mas peligroso.
* Dafydd Townley ta profesor di politica mericano y siguridad internacional na Universidad di Portsmouth, Inglatera.
