Presidente Trump a intensifica su menasanan contra e personanan cu ta vandaliza e Autonan Tesla, reflehando den un publicacion riba rednan social riba diasabra cu esnan condena pa daña of destrui e vehiculonan, incluyendo ciudadanonan mericano, por wordo manda na e notorio compleho di prizon na El Salvador.
Trump “Mi ta spera di mira e teroristanan malo aki ricibi sentensia di prizon di 20 aña pa loke nan ta hasiendo cu Elon Musk y Tesla”, Trump a bisa, agregando: “Kisas nan por cumpli cu esakinan den prizonnan di El Salvador, cu a bira asina famoso recientemente pa e condicionnan encantador cu nan tin”.
Den e ultimo simannan, vandalistanan den varios ciudad a desfigura of destrui vehiculonan y concesionarionan di Tesla den aparente protesta pa e manera drastico di sr. Musk pa remodela e gobierno federal y despedi gran parti di e forsa laboral federal. Te cu awor no a reporta niun herido serio.
Analistanan ta bisa cu ta improbabel cu un plan pa detene ciudadanonan merikano den exterior lo keda sosteni den corte.
Trump, kende den prome dia cu e la sinta a pordona centenares di persona condena relaciona cu e atake di januari 6 2021 ariba Capitol, a bira obsesiona recientemente pa impone mega castigo riba e vandalistanan di Tesla despues cu un periodista a bisa e presidente na un evento di promocion di Tesla den e hofi di White House cu “algun hende ta bisa cu nan mester eticanan como teroristanan domestico.”
No a tuma medida mesora, pero un siman despues, Pam Bondi, Procurador General, a cumpli cu e promesa y a califica e atakenan como actonan di “terrorismo domestico.”
Sra. Pam Bondi, kende a desaroya un relashon estrecho cu Trump durante su dos mandatonan como Procurador General di Florida, a sostene Trump su idea pa pordona e rebeldenan di Jan 6 ariba Capitol, incluyendo personanan cu a wordo condena pa delitonan violento y posesion ilegal di arma. FBI a describi esnan envolvi den e planificacion y perpetracion di e atake aki como “extremistanan violento domestico”.
Source: The New York Times
