SEATTLE (AP)
Cybertrucks a wordo kima. Bala y
molotov cocktails tira na Tesla su showroom nan.
Atakenan riba propiedad cu e logo di Elon Musk su companianan di auto elektrico ta surgiendo na merka y tambe den exterior.
Mientras cu no a reporta heridos te ainda, e showroomnan di Tesla, e parkeerplaats di vehiculo, e estacionnan di charge y e autonan di propiedad priva a ser ataca.
Na Canada, Tesla a ser kita for di un show internacional di auto pa motibonan di seguridad.
Tin un subida duidelijk den e atakenan riba Tesla desde cu Presidente Donald Trump a empodera Musk pa supervisa un departamento nobo di Gobierno yama Efficiency cu ta drasticamente reduciendo gastonan di gobierno. Expertonan
riba casonan di extremismo domestico, ta bisa cu ta imposibel pa sa si e avalancha di incidente lo bira un standard di largo plaso.
“Tesla ta un blanco facil”, Randy Blazak, un sociologo cu ta studia violencia politico, a bisa. “Nan ta tur caminda ariba caya . Y nan tin dealerships den nos barionan.
Haciendo tur esaki mas facil pa e atakenan.
