Segun e oficina di comunicacion, e pontifice di 88 aña – kende a wordo elegi Papa na 2013 – a wordo interna diabierna na Hospital di Gemelli na Roma, pa trata bronkitis.
Sinembargo, e Vaticano a señala dialuna cu Francisco ta sufri di un “infeccion polimicrobiano” den su tracto respiratorio, loke ta nifica un cambio di tratamento medico.
Prome cu e cu e la wordo interna siman pasa, e Papa a presenta sintomanan di bronkitis y a delega diferente tarea na su asistentenan y funcionarionan.
E comunicado ta bisa cu “tur e examennan haci ta mustra un cuadro clinico compleho cu ta rekeri hospitalisacion.
Dialuna atardi, e dokternan cu ta atende Papa a bisa: “e No tin keintura, e ta stabil y a cuminsa traha atrobe”, reduciendo e preocupacionnan tocabte e salud di e Pontifice.
“Papa Francisco ta conmovi pa e cantidad di mensahenan di afecto cu e ta sigui ricibi den e oranan aki; en particular, e kier dirigi su agradecimento na esnan cu ta
nan ta hospitaliza, pa e afecto y cariño cu nan ta expresa na dje door di pinturanan y mensahe di bon deseo; e ta resa pa nan y pidi pa nan resa pa e”, por a lesa den e comunicado di ayera.
Durante e fin di siman, e Vaticano a bisa cu e Papa tabata stabil y cu e la a wordo ordena pa “descanso total” pa yuda den su recuperacion.
Diaranson pasa, Papa a pidi otro sacerdote pa lesa parti di su discurso pasobra e tabatin dificultad pa hasi esaki pa motibo di su malesa.
E pontifice argentino tin casi 12 aña como lider di Iglesia Catolico.
Na maart 2023 e la pasa tres anochi den e mesun hospital pa tratamento contra bronkitis.
Na december di e mesun aña, e la hay’e obliga pa concela su biahe pa Emiratonan Arabe Uni pa e cumbre climatico COP28 pa motibo di e mesun problema di salud.
Francisco a sufri un serie di dificultad cu su salud durante su bida, incluyendo e amputacion di un parti di un di su pulmonan na edad di 21 aña.
