Oranjestad, 27 januari 2025 – ELMAR, como compania local y celebrando su 75 aniversario durante 2025, ta orguyoso di sostene y fortalece e genero musical tumba.
Cu e donacion aki na SMAC, ELMAR ta apoya e Festival di Tumba di Aruba, contribuyendo na un experiencia agradabel y memorabel pa tur esnan cu ta participa y asisti. Nan deseo ta cu e apoyo lo engrandece e festival y, alabes, inspira otronan pa uni cu nan den e esfuersonan pa celebra nos Cultura.
Bin apoya y celebra nos cultura durante Aruba su gran Festival di Tumba! ELMAR kier invita henter Aruba pa asisti na Festival di Tumba riba diasabra 1 di februari na Balashi Beer Garden, cuminsando for di 8or di anochi.
ELMAR ta desea henter Aruba un temporada di Carnaval dushi, sano y sigur. Den ritmo di tumba, sinti’e energia!
