Administracion di Biden a bisa ayera cu e ta ofrece 25 miyon dollar pa informacion cu por conduci na e detencion di Nicolás Maduro, e presidente di Venezuela.
E anuncio ta e medida di represalia di Washington pa e decision di Maduro pa asumi un di tres mandato ayera. Maduro no a presenta evidencia cu e la gana e eleccion di juli, mientras cu su oponente Edmundo González a presenta miles di cuenta di voto disponibel publicamente cu, segun e, ta indica cu e ls gana facilmente e mayoria di voto.
Merca a reconose González como presidente electo di Venezuela y a urgi Maduro pa hala un banda.
Gobierno di Biden tambe a anuncia cu e ta extende e proteccion na mas o menos 600.000 migrante venezolano cu ta biba na merca cu status di proteccion temporal. E medida ta permiti esnan cu a pidi pa keda 18 luna adicional.
Presidente electo Donald J. Trump, kende lo huramenta dia 20 di januari a priminti di caba cu e programa aki.
Na 2020, Maduro a ser acusa na Merka, di decadanan largo di narcoterorismo y conspiracion di trafico internacional di cocaina.
