Construyendo riba e exito di e eventonan anterior, e conferencia a enfoca riba transporte aereo sostenibel y colaboracion entre e islanan.
Simpson Bay, St. Maarten (July 31, 2024) – Aeropuerto Internacional Prinses Juliana ta ansioso pa remarca cu e ta anfitrion di e di tres conferencia anual di Dutch Caribbean Cooperation of Airports (DCCA) cu ta tumando luga na Sint Maarten. E evento tan anticipa, cu ta tumando luga riba dia 18 y 19 di november 2024, a reuni diferente lider den e industria, stakeholders y socionan pa asina discuti e futuro di transporte aereo sostenibel y e colaboracionnan entre e islanan di Caribe Hulandes.
E conferencia DCCA “Flight to the Future” a bira un pilar fundamental pa colaboracion y intercambio di conocemento dentro di e region. E di dos edicion, cu a tuma luga den luna di november 2023 na Curaçao International Airport, tabatin un gran participacion. Basa riba e exito aki, Aeropuerto Internacional Prinses Juliana a compromete pa ofrece un experiencia mas atractivo ainda pa esnan cu a atende e conferencia na Sint Maarten.
“Nos ta masha honra di ta anfitrion di e di tres conferencia “DCCA ‘Flight to the Future” na Sint Maarten”, asina Brian Mingo, CEO di PJIAE, a expresa. El a continua bisando cu: “E colaboracion entre e islanan ta un di e prioridadnan principal pa e aeropuertonan di Caribe Hulandes, y e conferencia aki ta brinda un plataforma crucial pa nos por comparti e miho practicanan, explora solucionnan innovativo y colabora den un trayecto comparti p’e futuro di biahe aereo den region.”
E agenda di e conferencia a conta cu un variedad di presentacion interesante di oradornan local y internacional, sesion di dialogo cu expertonan den e industria y oportunidadnan pa establece contacto cu e demas personanan cu a atende e conferencia. Princess Juliana International Airport a ofrece un variedad di opcion di asistencia sea personal of virtual, di e manera aki a garantisa accesibilidad pa tur participante.
Pa mas informacion tocante e conferencia, bishita www.dccaairports.com of riba e median social.
Tocante DCCA
Dutch Caribbean Cooperation of Airports (DCCA) a organisa e di tres evento internacional di transporte aereo sostenibel cu a hiba e nomber di “A Flight To The Future” y a tuma luga na Sint Maarten. E ta un evento di dos dia yena cu presentacion, combersacion y masterclass, cu e meta pa comparti conocemento, habri dialogo tocante futuro di aviacion y tocante conexion interinsular den Caribe Hulandes.
Tocante Aeropuerto Internacional Prinses Juliana
Aeropuerto Internacional Prinses Juliana ta e di dos aeropuerto mas druk den noordoost Caribe y ta fungi como un centro di aeropuerto importante pa Saba, St Eustatius, St Barthelemy, Anguilla, Dominica, Nevis y Tortola. E aeropuerto ta un di e companianan cu mas trahado, cu 315 trahado directo y un total di 1700 trahado den e comunidad di aeropuerto. Na aña 2024, e aeropuerto di Sint Maarten ta spera di por atende 1.5 miyon pasahero y experencia 54.000 movecion di avion. E esfuersonan di reconstruccion di aeropuerto a inicia na september 2021.
Tocante AUA Airport Tocante AUA Airport AUA Airport ta un di e aeropuertonan mas ocupa den region Caribe, cu mas di 25 diferente aerolinea operando na Aruba contribuyendo na casi 3 miyon pasahero pa aña y brindando
servicio aereo na 31 pais y 45 destinacion non-stop rond mundo. Di e mercadonan cu AUA Airport ta brinda servicio na dje, 76% ta di Merca y Canada, 16% ta di Latino America, 5% ta di Europa y 4% ta di Caribe Hulandes. AUA Airport ta reconoce cu esaki ta danki na un economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa converti den un di e aeropuertonan mas sostenibel, sigur y prepara pa futuro den e region di Latino America y Caribe, brindando un espacio laboral confiabel, cu e instalacionnan moderno y ademas cu un excelente servicio n’e cliente p’asina por refleha e hospitalidad di Aruba, contribuyendo na un futuro prospero pa Aruba.
Haya sa mas di loke ta pasando na AUA Airport door di bishita www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport, TikTok.com/@arubaairport y Linkedin.com/ArubaAirport.