Zeewijk:
Diadomingo algo despues di 4’or di marduga,Na warda di polis un homber di inicial C. a presenta y a declara cu un rato prome e la bira victima di un atraco den su cas na Zeewijk.
C. a declara cu 2 ‘or di marduga e lo a caba di traha y den careda di 3 ‘or di marduga e la yega cas y a bay drumi. Pa mas o menos 4’or di marduga e la scucha cu desconocidonan a kibra su porta di camber y a dos homber a drenta den su camber. E dos hombernan aki arma cu cuchiu, a puntre unda e placa ta. Segun C. e dos atracadonan ta local.
C. a purba mira con e atracadonan tabata bisti pero e la wordo menasa y no a durf sigui mira den nan direcion. E hombernan a logra bay cu mil florin y 600 dollar. Tambe nan a pasa man pa su yabi auto, cu tabata riba un mesa den su camber, nan a bay cu e auto di e victima, ta trata di un Honda Crossroad preto cu tabata para dilanti su cas.
E siman anterior ladronicia a wordo cometi den su cas, pero esaki ta prome biaha cu e la bira victima di un atraco arma. Departamento di atraco a yega na warda y a tuma e caso aki over y ta bou investigacion.