Maracaibo semper a keda reconoci pa su temperaturanan halto. Hasta pa e joke di ta “e ciudad mas friu di Venezuela” pa e cantidad di fannan y air conditioning den cada un cas. Sinembargo, cu piconan di calor cu durante e aña aki a yega na mas cu 50 grado celsius di sensacion termico manera a sosode na comienso di september, ta un situacion cu a stop di ta un joke.
Diferente estudio cientifico a mustra cu den e contexto di cambio di clima cu mundo ta experenciando awendia, e temperaturanan den Estado Zulia y su circumstancianan a aumenta significativamente, te bira un di e puntonan mas calor y seco di Sur America.
Un articulo publica pa e revista Nature riba 26 di september ta laga un registro di esaki. Cu South America becomes warmer, drier, and more flammable (Sur America ta bira mas calor, mas seco y mas inflamabel), ta adverti cu cambio di clima ta empeorando e frecuencia, intensidad y e impactonan di fenomeno di clima extremo. Ta spera cu den algun area cu e aumento actual di e temperatura global promedio di 1,5 grado celsius lo bira dobel.
“Sur America tambe a experencia impacto serio door di condicionnan simultaneo di secura y calor y di riesgo halto di candela. Aunke e aumento di temperatura den e subcontinente ta sigui e caminda global, e calentamento y secura a bira mas duidelijk den algun region”.
Den e caso di region, e ta apunta na tres area: nort di Amazonas (Brasil), Gran Chaco (Paraguay, Bolivia y Brasil) y e base di Lago De Maracaibo (Venezuela).