E popularidad mundial creciente di TikTok a hasi cu e co-fundador di su compania mayor, esta ByteDance, bira e persona mas rico di China.
Segun un lista rico elabora pa Hurun Research Institute, Zhang Yiming awor ta bal $49.3 biyon (£38 biyon), un 43% mas cu na 2023.
E homber di 41 aña a renuncia di su puesto na cargo di e compania na 2021, pero ta compronde cu e tin alrededor di 20% di e empresa.
TikTok a bira un di e aplicacionnan di rednan social mas popular na mundo, apesar di e preocupacionnan profundo den algun pais riba su relacionnan cu e estado Chines.
Mientras cu ambos compania ta insisti cu nan ta independiente di gobierno chines, Merca tin intencion di prohibi TikTok na januari 2025 a menos Cu ByteDance bende esaki.
A pesar di a enfrenta e presion intenso aki na merca, e ganashi global di ByteDance a aumenta cu 60% aña pasa, impulsando e fortuna personal di Zhang Yiming mas ainda.
“Zhang Yiming ta e di 18 Number Uno nobo cu nos a yega di tin na China den solamente 26 aña”, Director di Hurun, Rupert Hoogewerf, a bisa.
“Estados unidos, den comparacion, tin solamente cuater Number Un: Bill Gates, Warren Buffett, Jeff Bezos y Elon Musk.
“Esaki ta duna un indicacion di un parti di e dinamismo di e economia Chines.