Nan ta saca miyones, y sin mester crusa frontera cu Estados Unidos.
Bandanan di laba di placa di origen chines ta capas di pone ceronan di placa “sushi”‘ den e sistema financiero di Merca y otro paisnan.
Su grafico a keda refina asina tanto den e ultimo añanan cu cartelnan di droga di Latino America ta usa nan.
Recientemente, agencianan federal Mericano a logra pa prome biaha di dal un di e gruponan chines cu tabata opera cu e Cartel di Sinaloa Mexicano.
Agencia anti-droga di merca a logra expone, pa prome biaha tambe, con e Cartel di Sinaloa ta usando e asina yama “banca clandestina china” pa laba placa for di benta di droga.
“E cartel y e banco clandestino chines ta acorda un suma pa laba producto di e benta di droga na merca”.
“E cartel ta e bende droga y ta entrega e placa na e banco clandestino chines na Merca”.
“E banco clandestino chines ta drenta e sistema financiero mericano y ta bende e dollar aki na un cumprado chines cu negoshi Mericano”.
“E cumprado chines ta paga e dollar aki na China, depositando e equivalente na Yen den un cuenta di e banco clandestino na China”.
Investigacion di varios aña a permiti pa tin evidencia con un di su metodonan mas uza ta funciona, cu ta permiti pa move placa sin cruza frontera.